" මම නිර්මණශීලී ද ???? "

      තෝමස් අල්වා එඩිසන් කෙනෙකු වීමට කිසිවකුත් අකැමැති නො වනු ඇත . ඒ සඳහා උපතින් ම නිර්මාණශීලී චින්තන ශක්තියක් තිබිය යුතු යැයි බොහෝ දෙනෙක් සිතති . එය සත්‍යයකි එහෙත් බොහෝ දෙනා නො දන්නා සත්‍යය නම් එය සෑම මිනිසකු තුළ ම නිතැනින් ම පවතින බවයි . පර්යේෂණවලින් හෙළි වී ඇති පරිදි මිනිසුන් එකිනෙකා තුල පවතින නිර්මාණශීලී චින්තන ශක්තිය පුහුණුව තුළින් වැඩිදියුණු කළ හැකි ය .

      එහෙයින් නිර්මාණශීලීත්වය සුවිශේෂි පුශ්ගලයන් කීප දෙනකුට පමනක් උරුම වූ ආශ්චර්යවත් වරප්‍රසාදයක් යැයි සිතමින් තවදුරටත් ළතැවිය යුතු නො වේ . අලුත් දෙයක් ලොවට තිළිණ කර නව නිපැයුම්කරුවකු වීමට අප සැමට හැකියාව නිතැනින් ම ඇත .

      එහෙත් වර්තමානයේ බොහෝ දෙනා පුරුදු වී සිටින්නේ විශාල වැඩක් ආරම්භ කොට එය පටන් ගැන්මෙන් ම අසාර්ථක කර ගැනීමට ය. නැත හොත් වඳුරා දොඬම් ගොඩ බදාගත්තාක් මෙන් ලොව සියලු විද්‍යාඥයින් පහදා දුන් සියලු ම සිද්ධාන්ත බදාගෙන එක වැඩක් වත් හරියට කර ගැනීමට නොහැකි ව බලාසිටීම ය . එසේත් නැත හොත් තමන්ට ඉටු කරගත නොහැකි වූ  කාර්යයන් පිළිබඳව ලෝකේ නැති විවේචන ඉදිරිපත් කිරීම හෝ කල දුටු කල වළ ඉහගැනීම ය .

     ලංකාවේ වර්තමාන තත්වයට අනුව ශිෂ්‍ය පරම්පරාව තුළ මේ පටු මානසිකත්වය නැමැති වල් පැළය ඉතා සරුවට මුල් බැස ඇති බවක් පෙනේ . මන්ද යත් බොහෝ ලාංකික සිසුන් සිතන්නේ නව නිපැයුම්කරුවකු වීමට නම් ඉතා විශාල නව සොයා ගැනීමක් කළ යුතු බවත් එය ග්‍රැහැම් බෙල් සොයාගත් දුරකථනය මෙන් ලොව බොහෝ පෙරළි ඇති කරන නිර්මාණයක් විය යුතු බවත් ය . සැබැවින් ම ලාංකික මවුපියන් ද දරුවන් ගෙන් බලාපොරොත්තු වන්නේ මෙවන් ' ලොකු ' වැඩ ය .

       නිතැනින් ම මේ නිසා සිදු වන්නේ කුමක් ද ? දරුවන් ලොකු වැඩ සොයන්නට යෑමෙන් තමා ගේ සිත ගත දෙකම පීඩනයට ලක් කරගැනීම ය. එසේ ම අපේ මිනිසුන් මෙවන් ලොකු වැඩ කිරීම පිළීබඳ සිතීමට නිකරුණේ කාලය නාස්ති කරන විට ලොව වේගයෙන් දියුණු වන රටවල මිනිස්සු කුඩා යමක් මුල් කරගෙන කුඩා සිතුවිල්ලක් කුඩා නිමැවුමක් කර එය මහා පරිමාණයට වැඩ දියුණු කර අපේ ලොකු වැඩ කිරීමට සිතන පොඩි මිනිසුන්ට පෙන්වති .

        එසේ නම් නව නිපැයුම්කරුවකු වීමට එනම් තමන් සහජයෙන් ම ලද නිර්මාණශීලී චින්තන ශක්තියෙන් රටට ලෝකයට වැඩක් කිරීමට සියලු නිපැයුම්කරුවන් සැලසුම්කරුවන් අනුගමනය කළ පහත සරල සිද්ධාන්ත කිහිපය වැදගත් වනු ඇත .

1 . මිනිසුන් ගේ අවශ්‍ය්තාවයන් කෙරෙහි විමසිලිමත් වන්න . මකා පසෙකින් තැබූ කල පොත්පත් අතර සැගවුණු මකන කැබැල්ලක සොයන මිනිසුන් දුටු  හයිමන් එල් ලිප්ටන්  කලේ කුමක්ද ?? සරල ශිල්ප ක්‍රමයක් මගින් පැන්සලක් අගට මකන කැබැල්ලක් සවි කර ලොවට ඉදිරිපත් කිරීමයි .

2 . එදිනෙදා ජීවිතයේ දි කිරීමටසිදු වන අප්‍රසන්න කටයුතුවලින් ප්‍රයෝජනයක් ගන්න . නිරතුරුව ම සිය දැලිපිහිය මුවහත් කරන්නට සිදු වීමේ කරදරයෙන්  මිදීමට  කිං ගිලට්  කලේ කුමක්ද ?? භාවිතා කර ඉවත දැමිය හැකි තලයක් සහිත රේසරයක් නිපදවීමයි .

3 . ප්‍රායෝගික දැනුම භාවිතා කර ආයතනවල සහ වෙළඳසැල්වල සිවිලිම් ඇති බැක්ටීරියාවලින් ගහන කුණු පැල්ලම තට්ටු දුටු වෘත්තීය නොවන රසායනඥයකු වූ  කයිදා හැටන් සිය රසායන දැනුම භාවිතා කර සිවිලිම වෙත අධික පීඩනයක් යටතේ වලාවක් මෙන් විද පැල්ලම් තට්ටු ඉවත් කළ හැකි ද්‍රාවනයක් නිපදවී ය .

4 . කුඩා දේවල් ගැන සිතන්න නිර්මාණශීලි අදහස් යනු සංකීර්ණ දේවල් ගැන කියවෙන පණ්ඩිත වාක්‍යයන් ම නො වේ . අප ආයකටුව ලෙස හදුන්වන ආරක්ෂිත කටුව, ප්ලාස්ටර්, බැන්ඩේජිය කිඩා සිතිවිලි වලින් බිහි වූ විශිෂ්ට නිර්මාණයන් ය .

       සැබැවින් ම අප සියලු දෙනා ම සමාජය දෙස අපේ එදිනෙදා ජීවිතයේ වැඩ කටයුතු දෙස මෙසේ විමසිල්ලෙන් වැලුව හොත් ඉතා සරල සිද්ධාන්තයක් උපයෝගී කරගෙන විශාල ප්‍රයෝජනවත් නිර්මාණයන් ලොවට දායාද කිරීමට හැකි වනු ඇත . මංද අපට කිසියම් දිනයක සමනලයකුට ආදරය කිරීමට හැකි වන්නට නම් අප දළඹුවන් කීප දෙනෙකු ගැනද සැලකිලිමත් විය යුතු වැවිනි....

                                           

උඹ බයද ???

මම බය ද ? උඹ බය ද ?

උඹ බය ද ? මම බය ද ?

සියල්ලෝ බයෙන් හා තැති ගැන්මෙන්

ජීවත් වෙති....

එකිනෙකාට පහර දෙනු ලබන්නේ

තමා ගේ ඇති බිය නිසාය.....

අපි යන්නේ කොයි පාරේ

කෙනෙකු.....
සුවහස් කැකුළු විකසිත
නෙත්කළු වූ මාවතක්
සොයනු වස් වෙහෙසෙයි
දිවා රෑ නිදි වරා.........

තවකෙකු.....
සුවහස් කැකුළු විකසිත
නෙත්කළු වූ මාවතක්
සොයනු වස් කරයි සැලසුම්
දෙවසරක් පුරාවට.........

අනෙකෙක්.....
සුවහස් කැකුළු විකසිත
නෙත්කළු වූ මාවතක්
සොයනු වස් දකියි සිහින
නිතිපතා දිවා රෑ.........

සමහරෙක්......
නොසොයයි මාවතක් 
නොදකියි ඉදිරියක්
කාලයට ඉඩ දී
සිටියි මුව හා නෙතු අයාගෙන.........

හදවතට තට්ටු කර විමසනු
ඔබ කොතැනක දැයි කියා
උත්සහා කරනු මැන
වෙහෙසී ජය ගන්න
මුළු විශ්ව සාගරය.........

ග්‍රහයින් ගේ ග්‍රහයින් මාරු කිරීම

          අප සැම එක විට එක මවු කුසින් උපදින්නේ නැත . එහෙත් සැමට ම පායන්නේ එකම හිරු ය, සදු ය. අප ජීවත් වන්නේ ද එකම පොලොවක ය . ඒ අනුව ඒවා භෞතික වදයෙන් එක් එක් පුශ්ගලයාට එක් එක් අයුරින් බලපාන්නේ නැත . වානරයා ශිෂ්ටසම්පන්න මානවයකු බවට පත් වත් ම ඔහු සිතන පතන ආකාරය ද වෙනස් විය . කාලයට අනුව තම ආරක්ෂාව පතා විවිධ ඇදහිලි වලට යොමු වූ ඔහු තම චින්තන ශක්තිය දියුණු වත් ම ඒවා කෙරෙන් තුරන් විය . තමාට වුවමනා පරිදි නොව  ශාස්ත්‍රකරුවන් වැනි බේගල්කරුවන්ට වුවමණා  පරිදි ජීවත් වන්නෝ අප අතර ඕනෑ තරම් සිටිති . මෙම විශ්වාස සඳහා කිසිදූ විද්‍යාත්මක පදනමක් නොමැත ( විද්‍යාව සර්වසම්පූර්ණ හෝ එමගින් සෑම දෙයක්ම පැහැදිලි කළ හැකි බවක් අදහස් නො කෙළෙමි ) අප දන්නා පරිදි ග්‍රහලෝක පෘථිවිය හැර අපට ඉතාම ඈතින් පිහිටා ඇති අතර අපට බලපෑමක් කිරීමේ හැකියාවක් ඒවාට නැති බව පෙනේ . නිව්ටන්ගේ සාර්වත්‍ර ගුරුත්වාකර්ෂණ නියමයන්ට අනුව ඉතා කුඩා ගුරුත්වාකර්ෂණ බලයක් ඇති විය හැකි නමුදු එමගින් ඇති විය හැකි කායික හෝ මානසික බලපෑමක් ගැන සිතාගත නොහැකි ය . සූර්යයා , චන්ද්‍රයා හ පෘථිවිය මිනිස් ජීවිතවලට එකට ම බලපෑම් ඇති කරන නමුත් ඒ අප සැමටම එකම අයුරින් ය .

            අප අතරින්  බොහොමයක් තම ජීවිතවලට සෑම වැදගත් තීරණයක් ම ගන්නේ තමාට වුවමනා පරිදි , වුවමනා වෙලාවට නොව අදාළ ජාවාරම්කරුවන්ට වුවමනා පරිදි ය . ඒ අනුව අපගේ ධනය , කාළය වැය කොට අප ක්‍රියාත්මක වන්නේ වෙනත් කෙනෙකුට වුවමනා පරිදි ය ඇතැම් අවස්ථාවල දී කර්මය පවා වෙනස් කළ හැකි ආකාර බුදු ශහමෙහි දක්වා ඇත. ඒ අනුව උත්සහයෙන් බුද්ධියෙන් කටයුතු කරන පුද්ගලයාට බොහෝ දේ වෙනස් කළ හැකි ය . ඔහුට සෑම වෙලාවක් ම සුබ වේලාවක් ය . එහෙත් සියල්ල ග්‍රහයින්ට භාර දෙන පුද්ගලයාට ග්‍රහයින් කැමැති වෙලාව එන තෙක් සිටීමට සිදු වේ . ඔහුට සියල්ල වන්නේ ග්‍රහයින් නිසා ය. මේවාට විසඳුම් ලෙස විවිධ පුද පූජා ශාන්තිකර්ම කරනු අපට නිතර දක්නට ලැබේ . ආගමික කටයුතු කෙරෙහි යොමු වීමෙන් සහනයක් ලැබෙන බව සත්‍යකී . එහෙත් පුදුමය නම් අදාල ග්‍රහ වස්තුවල පිහිටීම වෙනස් කිරීමට මොවුන් උත්සාහ  නො ගැනීමයි . ( නවීන විද්‍යාවේ දියුණුව නිස නො වන්නට මොවුන් එය ද කරනු ඇත ) 

            අප දන්නා පරිදි තුන්කල්හී සියලු නතු පැවසිය හැක්කේ සිත දියුණු කළ ශ්‍රෙෂ්ඨ උත්තමයකුට පමණි . එහෙත් මුදලට එය මැනැවින් ඉටු කරන ශාස්ත්‍රකරුවන් සෑම අඟුපිලකම සිටිති . කෙනෙකු දුටු පමණින් ඔහුගේ සියලු නතු පැවසීමට මොවූහූ සමත් ය .ඔවුගේ ශාස්ත්‍රය මිනිසුන් රැවටීමයි . ඔවුහූ අපට වඩා බුද්ධිමත් අය නොවවෙති . වෙනස වන්නේ අපගේ බුද්ධිය විශ්වාසය මඟින් යටපත් කර ගැනීමයි. අනික මේ කොහෙවත් ඉන්න හෙනහුරෙකුට එක එක මිනිස්සුන්ට වද දෙන්න තරම් තියන අමාරුව මොකක්ද ..? .

මා පවසන දෙය සත්‍ය විය යුතුම නැත හේතුවාදි අදහස් දරන පුද්ගලයන් මෙරට ඕනෑ තරම් සිටින බව මම දනිමි . තවෙකකු ගේ විශ්වාසයට අකුල් හෙළිමට අයිතියක් මට නැත වැදගත් ම කරුණ නම් මෙය අපගේ ආගම හෝ සංස්කෘතිය සමඟ පටලවාගත යුතු නැත එහෙත්  අප වෙනත් පුද්ගලයන්ට හෝ ග්‍රහයන්ට වුවමනා පරිදි ජීවත් විය යුතුද නැත්ද යන්න සිතා බැලීමට කාළය පැමිණ ඇත....




           

සංගීතය උපත ලබන්නේ කොතැනින් ද ? එය මායාවක්ද ??

              අපට ශබ්දය ශ්‍රවණය වන්නේ ශබ්ද තරංග නියමිත සංඛ්‍යාතයකින් කම්පනය වීමෙනි. මෙහි ප්‍රතිළුලයක් ලෙස කන් බෙරය පිටතට හෝ මැද කන දෙසට හෝ කම්පනය වීම මෙහි දී සිදු වෙයි . ශබ්දයේ ප්‍රබලතාව , වේගය හා ප්‍රිමාව ආදිය මත මෙය තීරණය වෙයි .

      මෙම කම්පන කොතැනක සිට කුමන වස්තුවක සිට පැමිණෙන්නේ දැයි වැටහීමක් කන් බෙරයට නැත . ශබ්දය ඒකාකාර නොවෙයි . කන්ට එකවර ශබ්ද කිහිපයක් මිශ්‍ර වී ඇසෙයි . එහෙත් මේ සියල්ල පැහැදිලිව වෙන් කර හඳුනා ගැනීමට මොළය සමත්ය . මේ අපූර්වත්වය රඳා පවතින්නේ කොතැන ද ?

      අපට ශබ්දය ලෙස ඇසෙන්නේ දිගු කාලීන මානසික ක්‍රියාවලියක අවසාන ප්‍රතිළුලයයි . මොළය මගින්
මේ ශබ්දය අවබෝධ කරගත් විට අවසානයේ සංගීත නාද රටා ලෙස ශ්‍රවණය වෙයි . පසුව අපගේ මොළය ද ශබ්දය ග්‍රහණය කර ගනියි මේ සඳහා මොළයේ විශේෂ නියුරෝන සැකැස්ම උපකාරි වෙයි කාලය , ත්‍රිවතාව , තාරතාව ආදිය අවබෝධ වන්නේ ඉන් පසුව ය . මෙම ක්‍රියාවලිය සිදු වන්නේ මොළයේ පරිනාමික වශයෙන් පැරණිතම කොටස තුල ය . මෙය මුල් පියවර ය .

     මෙහි දෙවන පියවර ලැබෙන සංඥාවන් එකට එකතු කිරීම හෙවත් අනුකලන ය . ලලාට ඛණ්ඩිකාව ප්‍රදේශය මේ සඳහා වගකියයි මෙම ක්‍රියාවලිය සරල සිදුවීමක් නො වෙයි . මෙහි දී ප්‍රධාන අභියෝග තුනකට මුහුණ දීමට මොළයට සිදු වෙයි .

***   මොලය වෙත විවිධ ස්ථානවල සිට පැමිණෙන ශබ්ද කුමන ස්ථානයක සිට කුමන වස්තුවකින් කෙසේ පැමිණෙන්නේ දැයි පැහැදිලිව වෙන් කර හඳුනාගැනීමට නොහැකි වීම මුල් ගැටලුවයි.

***    දෙවැන්න විවිධ ශබ්ද රටා වෙන් කර හඳුනාගැනීමට අපහසු වීමයි.

***    තෙවැන්න කන මත වෙතට ලැබෙන පණිවිඩ සම්පූර්ණ නොවීමයි . කනට ලැබෙන ශබ්ද සමහරක් කන වෙතට පරිපූර්නව ළඟා වන්නේ නැත .

     මේ අනුව ශබ්දයක් මොළය වෙතට පැමිණි විට එය නිවැරදිව ග්‍රහනය කර ගැනීමට වෙහෙසක් දැරීමට සිදු වෙයි . අපගේ මොළය ශබ්දයක් පැමිණි විට එය ආකාර කිහිපයකට අවබෝධ කර ගැනීමත් සිදු වෙයි. පළමුව අපට ඇසෙන්නේ එදිනෙදා නිතර ඇසෙන ගීතයක්ද ? දෙවැන්න අප ගේ මතකයේ රැඳුණු සංගීත ඛණ්ඩ හෝ ගීතයක්ද ? යම් සංගීතයක් ඇසුණු විට එය ඉහත් කොටස් දෙකට ම අයත් නොවේ නම් අප ඊළඟට බලාපොරොත්තුවෙන් සිටින ආකාරයේ සංගීතයක් ලෙස එය අවබෝධ කරගැනෙයි .

     මේ අනුව මොළය අප බලාපොරොත්තු වන දෙය සත්‍ය වශයෙන් ම අපට ශ්‍රවණය වන ශබ්ද  අතර සංකලනයක් නිර්මාණය කර ගනියි.  මේ ක්‍රියාදාමය පිටිපස පරිනාමික සම්බන්ධයක්ද පවතියි . අමතක වන සිදුවීම් ගබඩා කර ගැනීමට මොළයේ සංවේදක පද්ධතියට හැකිය . මේ නිසා හදිසි අවස්ථාවකදී අමතක වන දේ වහා සිහිපත් කර ගැනීමට අවස්ථාව සැලසේ .

      මිනිස් සිත සහ සංගීතය සම්බන්ධව ප්‍රකාශ කිරීමේදි සංගීත මායා හෙවත් උපකල්පන ( llusions ) වැදගත් මෙහෙයක් ඉටු කරයි . නිදසුන් වශයෙන් මිනිස් කනට ශ්‍රවණය අවම මට්ටමේ සංඛ්‍යාතයක් වන හර්ට්ස් 2705 හා 35 දැක්විය හැකිය . මෙවැනි අවම සංඛ්‍යාතයක් සහිත සංගීත ඛණ්ඩ නිපදවීමට සංගීත භාණ්ඩවලට නොහැකි ය . එහෙත් අප ගේ කනට හඟවන්නේ අදාල සංගීත භාණ්ඩය මෙතරම් අවම සංඛ්‍යාවක් නිපදවන බවයි .

       කිසියම් ශබ්දයක් අප ගේ කනට ශ්‍රවණය වූ විට එය නිකුත් කරන ලද පරිසරය සම්බන්ධව ද උපකල්පනයක් කිරීමට මොළයට හැකියාව ලැබෙයි . නිදසුනක් වශයෙන් එම ශබ්දය පැමිණියේ වසන ලද කුටීරයකින්ද  , විවෘත කුටීරයකින්ද එළිමහනකින් හැයි පැවසීමට මොළයට පුළුවන මේ තත්වය  අධි යථාර්ථය ( Hyper - reality ) ලෙස හඳුන්වා ඇත . ශබ්දයක් ද මොළය වෙතට ළඟා වන කාල සීමාව සම්බන්ධව මොළය ඉතා සංවීදී ය .සංගීතය පිළිබඳ අපේ සියලු දෙනා රසඥතා රදා පවතිනුයේ කරුණු කිහිපයක් මතය  අපගේ අත්දැකීම් හා මොළයේ ස්නායු ව්‍යුහය මේ අතර ප්‍රධාන වෙයි විවිධ සංගීත නාද රටාවන්ට සවන් දීමෙන් අපේ මොළයේ සංගීත ප්‍රතිග්‍රහණ්‍ය දියුණු වෙයි ( කනෙන් අහලා කටින් කිව්වා වගේ :D  ) මේ අනුව බලහත්කාරයෙන් සංගීත " ස්ටාර් " ලා බිහි කරගත නොහැකි බව තහවුරු වෙයි එය කාලයත් සමඟ ප්‍රගුණ කිරීමෙන් ලබාගත යුත්තකී

ගීත ගායනය අපට ආවේණිකව පරම්පරාවෙන් උරුම වූවක් ද නැතහොත් එය ආයාසයෙන් ඉගෙන ගැනීමට හැකි ශිල්පයක් ද ??

අප සංගීතමය අභ්‍යාසවල නිරත වන විට මොළයේ කුමන ප්‍රදේශය ක්‍රියාත්මක වන්නේ දැයි මෙහි දී පෙන්වා දෙමු

1  සංගීතයට සවන් දීම ඇරඹෙන්නේ මොළයේ බාහිකයට යටින් පිහිටි ව්‍යුහවලිනි . ඒවා නම් කොචිලියර් න්‍යෂ්ටි , මොළ කටුව හා අනුමස්තිෂ්කයයි . ඉන්පසු මොළයේ දෙපසම ඇති ශ්‍රව්‍ය බාහික වෙත යයි

2  සංගීතයට මොළයේ මතක මධ්‍යස්ථානය වන හිපෝකැම්පසය ද වැදගත්ය  එසේ ම ලලාට ඛණ්ඩිකාවේ උප කොටස් ද විශේෂයෙන් ම පූර්ව ලලාට බාහිකය ද බලපායි

3  සංගීතයේ දි කෙරෙන තට්ටු කිරීම් ( තාලය ඇල්ලීම් ) සදහා අනුමස්තිෂ්කයේ කාල පරිපථ ඉවහල් වේ.

4   ලලාට ඛණ්ඩිකාවේ අපර කොටසේ ඇති චාලක බාහිකය හා සංවේදක බාහිකය ද සංගීතය ( සැලසුම් ) සදහා ඉවහල් වේ.

5   සංගීතය කියවීම සඳහා දෘශ්‍ය බාහිකය වැදගත් වේ ( දෘශ්‍ය බාහිකය පිහිටා ඇත්තේ අපර කපාල ඛණ්ඩිකාවේ ය )

6   ගී පදවලට සවන් දීම හෝ ඒවා යළි මතක් කිරීම සදහා මොළයේ භාෂා මධ්‍යස්ථානය සහය වෙයි . බ්‍රොකා ගේ පෙදෙස හා වෙර්නික් ගේ පෙදෙස මෙහි දී  ඉතා වැදගත් වේ එසේ ම ලලාට ඛණ්ඩිකාවේ හා ශංඛක ඛණ්ඩිකාවේ ඇති භාෂා මධ්‍යාස්ථානය ද ඉවහල් වේ.

7      සංගීතයෙන් අප ලබන භාවයන්  ( හැඟිම් ) සඳහා අනුමස්තිෂ්කය , පණුකය  හා ඇමිග්ලඩාව ඉවහල් වේ 

ප/ලි - සංගීත ක්‍රියාකාරිත්වයට මොළයේ සෑම කොටසක්ම ඉවහල් වේ 

ප ප/ලි - ජීව විද්‍යාව පිළිබඳ මාගෙ දැනුම අල්පයි එමනිසා මෙම ලකුණු කර ඇති තැන් වැරදි නම් මා හට                       පවසන්න .

        දැන් මා ක්‍රියාත්මක වන පෙදෙස් පෙන්වා දී ඇත . මේ අනුව සෑම කෙනෙකුටම අභ්‍යාසවල යෙදීමෙන් හොඳ ගායකයකු විය හැකි දැයි ඔබ ප්‍රශ්න කිරීමට පුළුවන මේ සදහා ස්ථිර පිළිතුරක් ලොව කිසිම තැනක පෙන්වා නැත .

         මේ අනුව පෙනී යන්නේ සංගීතය යනු හුදෙක් සංගීත භාණ්ඩ වාදනය කරමින් ගී ගැයිම පමණක් නොවන බවත් එය අප ගේ මොළය ද සම්බන්ධ කර සිදු කරන සංකීර්න ක්‍රියාවලියක් බවත්ය  අහසින් පහත් වන උල්කාපාත මෙන් ඇතැම් ගී තරු වහා දිලී වහා නිවී යන්නේ  මේ නිසා ය . සංගීතය යනු දිගුකාලීන මානසික ක්‍රියාවලියකින් දියුණු කරගත යුත්තකී එසේ නැතහොත්  බිහි වන්නේ මූසිල ගේ වෙණ වැයුම මෙන් අරුත්සුන් සංගීතයකී ........ ( දැනටමත් වෙලා ඉවරයි )

සෙල්ලම ලෙල්ලම

             " දඩාස් " ගාගෙන ආ ශබ්දයෙන් මවිතයට පත්වූ මම ගෙමිදුලට බැස අවට සෝදිසි කරන්නට විමි. " මේ ආච්චි කටවහගෙන ඉන්නවද ? අච්චිට වැඩක් නෑනෙ . ගිහින් ආච්චිගෙ වැඩක් බලාගන්න " කියමින් පහළගෙදර තරූ මල්ලි සිය අත්තම්මාට බැණ වදිනු ඇසේ .

          " අම්මපා මුන්ට සෙල්ලම් කරන්න වෙන තැන ඇත්තෙම නැද්ද ? මේ පාරෙ සෙල්ලම් කරන්නෙ . අපේ ගෙවල් දොරවල් කඩාබිඳ දමන්නෙ නැතුව  පිට්ටනියට ගියාම නරකද ? "

             යනුවෙන් අත්තම්මා පෙරළා තරූ ඇතුළු කොලු පිරිසට ඇනුම් පද කියයි. සිහුවී ඇති දෙය දැන් මට ද වැටහිණි. ළමයින් පාරේ සෙල්ලම් කරන අතරතුර වේගවත්ව ආ බෝල් පහරක් සෝමාවති අත්තම්මාගේ ගෙදර වහලයට වැදී තිබේ . එයින් උරන වූ අත්තම්මා ළමයින්ට බැණ වදියි . මැය ජීවත් වන්නේ තරූලගේ නිවසට යාබදව සදාගත් කුඩා නිවෙසකය. මෙහි බිත්ති මැටි ගඩොලින් තනා ඇති අතර වහළයට තාර කොළ සෙවෙනි කොට තිබේ.

              සීන් කයක් ද යටැසින් බලන තියුණු නෙත් සඟලකින්ද යුතු තරූ දඟකාර මුරණ්ඩු කොල්ලෙකී . ඔහුට මේ ගති ආවේශ වූයේ ඔහුගේ පියාගෙන් යැයි විටෙක මට සිතේ.

             " මේ ආච්චි කටවහගෙන ඉන්න බැරිනං මෙතනින් යන්න " කියමින් ඔහු සිය ආත්තම්මා සමඟ යලිත් වාදයට පැටලෙයි . දුරදිග නොසිතා උපහාසයට මෙන් තරූ කියූ මේ වදන් තුළින්දැඩිසේ සිත් තවුලටත් කෝපයටත් පත් අත්තම්මා . " උබලා දෝතින් ගෙනැවිත් හදාවඩා කරඳඬු උස්මහත් වුණාට පස්සේ කියන ආඩපාලි තමයි ඔය " කියමින් සිය නිවස ඉදිරිපිට තමා වාඩිවී සිටි කොස් කොටයෙන් නැගිට ගසා බසා දමා ගෙතුලට ගියා ය .

              " අනේ අම්මේ මගෙ කකුල අහුවුණා . ඉන්න බෑ රිදෙනවා " යනුවෙන් බෙරිහන් දෙන හඬක් ඊට මද වෙලාවකට පසුව මට ඇසුනු . මීට මොහොතකට පෙර කෝපාග්නියෙන් වෙලී සිටියද වෙඩරු පිඩක් මෙන්  උණුවන හදවතක් ඇති ආත්තම්මා තුළින් මේ මොහොතේ මතුවී ආයේ සානුකම්පිත සිතිවිලි දහරාවකී  " අනේ මගෙ සුදුපුතාට මොකද වුණෙ. මම කිව්වනේ පාරේ සෙල්ලම් කරන එක හොද වැඩක් නෙවීය කියලා . ඒක පාරේ යන එන මිනිසුන්ටත් කරදරයක් නෙවෑ " මම දිවගොස් බලන විට පාරේ යන බයිසිකල්කරුවෙකුගේ බයිසිකලයකට හැප්පීම නිසා තරූ බියෙන් මොර දෙයි .

               " මේ පොඩි ඈයන්ට මුළු පාරම මදි සෙල්ලම් කරන්න අනූනවයෙන්  බේරුණා . මගේ වරදක් නෑ . මුන් විහින් කරගන්න දේවල් " යැයි බයිසිකල්කරු කෝපයෙන් කෑගෑවේය . තරූට දරුණු තුවාලයක් සිදු නොවුණද මෙවිට හටගත් බිය නිසා තරූ කෑගසයි ඔහුගේ කෑගැසීම නිසාදෝ සෙල්ලමේ යෙදී සිටි අනෙක් කොලු පිරිස ඇතුළු ගම්වාසීන් කිහිප දෙනෙක් ඔහු වටකරගෙනය.

                  මේ වෙලාවේ තරූලාගේ නිවස බලාකියා ගැනීමට සිටියේ අත්තම්මා පමණි . තරූගේ පියාද රැකියාවට ගොස්ය . තරූට තව චූටි මල්ලි කෙනෙකු සිටින අතර මව ඔහුගෙ කටයුත්තක් සඳහා බැහැර ගොස්ය.

                " අපි ඉක්මනට ගිහින් තෙල් බේත් ටිකක් ගාමු "යි කියූ ඇය අසළ සිටි මාගේත් සහය ඇතිව තරූ වාරුකරගෙන සිය නිවස වෙත පියමැන්නාය . සිය මුණුපුරා ඇඳක හාන්සිකරවා හනි හනිකට මුළුතැන්ගෙට ගොස් ලිපෙහි තිබූ උණු අළු ටිකක් ගෙන පරන පිරිසිදු රෙහි කඩකට දමා පොට්ටනියක් සෑදුවාය . ඉන්පසු තෙල්බේත් බෝතලයද ළං කරගෙන තරූගේ කකුලේ පහළ සිට ඉහළට ආදාගත් පොට්ටනියෙන් කකුල තවන්නට විය . කකුලේ වේදනාව ටිකෙන් ටික නිවීයන විට තරූට සිය අත්තම්මා ගැන දුක හිතුණි . ඈ දුන් අවවාද පිළිගත්තා නම් මෙසේ නොසිතූ ලෙස අනතුරකට පත් නොවන බව ඔහුට වැටහී ගියේ දැන්ය

               " අනේ අත්තම්මේ මම ආයිත් අත්තම්මාට බනින්නේ නෑ." කියමින් තරූ තම හිත අත්තම්මාගේ ළයට තද කොට ඉකිබිඳින්නට විය . " නාඬා ඉඳින් . මම උඹත් එක්ක තරහා නෑ . මම උඹට ආදරෙයි . කියමිනත්තම්මා තරූගේ හිස අතගෑවාය

බළ ශක්ති ප්‍රභවයක් ලෙස සූර්ය ශක්තිය යොදා ගැනීම..

බළශක්තිය ලබා ගැනීමේ දී ඒ සඳහා  ගත හැකි ප්‍රධානතම මූලාශ්‍රය හිරු එළිය බව අප හොඳාඅකාරවම දනී . ජල විදුලිය , ඛනිජ තෙල් පවා සූර්ය ශක්තියේ අතුරු ළුල  ලෙස නිපදවෙන බැවින් බලශක්ති උත්පාදනයේ දි සූර්ය ශක්තියට ප්‍රමුඛස්ථානයක් හිමි වී තිබෙනවා . හිරුගෙන් ලැබෙන මේ ප්‍රයෝජන නිසාම අතීතයේ මිනිසුන් හිරුට දේවත්වය ආරෝපණය කර වන්දනාමාන කළා . සූර්ය ශක්තියෙන් අප ලබාගන්නා මේ ප්‍රයෝජන අතරට විදුලිය ලබා ගැනීමත් එක් වී තිබෙනවා.

සූර්යාගේ අභ්‍යන්තර හරයේ විශාල න්‍යෂ්ටික දහනයක් සිදුවීම මගින් සූර්ය ශක්තිය උත්පාදනය වීම සිදුවේ . පෘතුවියේ ජීවයේ පැවැත්මට අවශ්‍ය ආලෝකය සහ තාපය සපයනු ලබන්නේ මෙම සූර්ය ශක්තිය මගිනුයි . සූර්යාගෙන් නිකුත්වන මෙම ශක්තිය අභ්‍යවකාශය හරහා පෘතුවියට පැමිණෙනවා . ප්‍රිතුවිය සූර්යයා දෙසට මුහුනලා පිහිටන විට එහි වායුගෝලයේ පිටත් ද්‍රරයේ වර්ග කි.මි 1 කට මිනිත්තුවක් තුල දී ලැබෙන සූර්ය ශක්තියේ ප්‍රබලතාවය මෙගාවොට් 1400ක් පමණ වෙනවා . කෙසේ වෙතත් මෙසේ වායුගෝලයට පැමිණෙන සූර්ය ශක්තියෙන්  අඩකට පමණක් පෘතුවිය මතුපිටට පැමිණිමට හැකියාව තිබෙනවා . වායුගෝලය සහ වලාකුළු මගින් ඉතිරි ප්‍රමාණය උරා ගැනීම හෝ විසුරුවා දැමීම සිදු කරනවා . පොළොවේ එක නිශ්චිත ස්ථානයකට ලැබෙන සූර්ය ශක්තිය ප්‍රමාණය දිනයේ එය පතිත වෙන කාළය , වසරේ දින ගනන වළාකුළු වලින් වැසී පවතින ප්‍රමාණය සහ එම ස්ථානයේ උන්නතාංශය ( මුහුදු මට්ටමේ සිට උස ) යන කරුණු බලපානු ලබනවා . දිනයක් තුළ විවිධ වේලාවන් අනුව සූර්ය ශක්තියේ ප්‍රමලතාව වෙනස් විය හැකියි . ඒ අනුව මධ්‍යහ්න කාලයේදි වැඩි සූර්ය ශක්තියක් ලැබෙන අතර හිරු බැස යන සවස් කාළයේ දි ලැබෙන සූර්ය ශක්ති ප්‍රමාණය අඩු අගයක් ගන්නවා .

ආසන්න වශන්යෙන් සූර්ය ශක්තියෙන් 30%ක පමණ ප්‍රමාණයක් ජල චක්‍රය හරහා පෘතුවියට ළඟා වෙනවා . සූර්ය තාපය මගින් සාගරවල ජලය වාෂ්පීකරණයට ලක් වෙනවා .සුළඟ මගින් ජල වාෂ්ප සාගර වලින් එපිට ගොඩබිම වෙත ගෙන ගොස් වර්ෂාව ලෙස පොළොවට පතිත වෙනවා. වර්ෂා ජලය පොළොවට පතිත වෙනවා . වර්ෂා ජලය පොළොව මතින් ගලා ගෙන ගොස් හෝ දිය පහර හො විල්වලට එක් වී අවසානයේ නැවත සාගර වෙතට පැමිණෙනවා. එමෙන්ම සූර්යයාගේ ඇති විකිරන ශක්තිය ජල පහරක් හෝ ගංගාවල ඇති ජලයේ විභව ශක්තිය උත්පාදක යන්ත්‍ර හරහා යවමින් ඉන් විදුලිය නිපදවීම සිදු කෙරෙනවා . මේ ක්‍රමයට විදුලිය නිපදවීම අප " ජල විදුලි උත්පාදනය " යනුවෙන් හදුන්වනවා .

සාගර මගින් ද සූර්ය ශක්තිය එක්‍රැස් කරගනු ලබනවා .  එමෙන්ම ජලය මතුපිට පගින් සූර්ය විකිරණ පරාවර්තනය කිරීම හෝ විසුරුවා දැමීම සිදු කරනවා . ඉතිරිවන ශක්තිය ජලය තුළට ඇතුළු වන අතර ඉතා වේගයෙන් එහි ගැඹුර වෙත ළඟා වෙනවා . එහිදි එම සූර්ය ශක්තිය තාපය හෝ රසායනික ශක්තිය බවට පරිවර්තනය කරනවා . මේ හේතුව නිසා සාගරයේ ගැඹුර අනුව විවිධ ස්ථරවල උෂ්ණත්වය වෙනස් අගයක් ගනු ලබනවා.

සමහර ස්ථානවල මිටර් සියයක් පමණ ගැඹුරට යන විට සෙ.අ 20 කින් පමණ උෂ්ණතවය වෙනස් වෙනවා. මෙවැනි විශාල ජල ස්කන්ධයන්හී පවතින උෂ්නත්ව වෙනස මගින් නිර්මාණය කෙරෙන විභව ශක්තිය බලශක්තිය උත්පාදනය සඳහා යෝග්‍ය වෙනවා . ශක්තිය ඉහල උෂ්ණත්වයක් සහිත ජලයේ දක්වා ගලා යනවා . මෙම ගැලීමේ ශක්තිය මගින් ටර්බයින කරකවා එයින් විදුලිය උත්පාදනය කිරීමේ  හැකියාව තිබෙනවා . සාගරික තාප ශක්ති පරිවර්තනය ( OTEC ) යනුවෙන් මෙම ක්‍රමය හදුන්වනවා  ප්‍රභාසංස්ලේෂණ ක්‍රියාවලිය තුළින් ශාක මගින් සූර්ය ශක්තිය රසායනික ශක්තිය බවට පරිවර්තනය කෙරෙනවා. එසේ නිපදවෙන රසායනික ද්‍රව්‍ය ශාකයේ වර්ධනයට අවශ්‍ය ඉන්ධනය ලෙස ක්‍රියා කරනවා . තෙල් , ගල් , අඟුරු වැනි පොසිල ඉන්ධන භූවිද්‍යාත්මකව පැරැණි ශාක තුළින් නිපදවෙනවා....